د تخنیکي او مسلکي زده کړو ادارې د مالي او اداري چارو مرستیال د تخار له تخنیکي آمرینو سره ناسته تر سره کړه
د تخنیکي او مسلکي زده کړو ملي ادارې یو پلاوي د هیواد ولایتونو ته د خپل سفر په دوام تخار ولایت ته تللي او هلته یې د تخنیکي او مسلکي زده کړو له مرکزونو څخه د لیدنې او څارنې ترڅنګ د تخنیکي او مسلکي زده کړو د مرکزونو له آمرینو سره هم ناسته ترسره کړه.
په دې ناسته کې د تخنیکي او مسلکي زده کړو د مرکزونو پر ستونزو او د اړتیاوو د پوره کولو او د ستونزو د حل کولو په لارو چارو خبرې وشوې.
د تخار ولایت د تخنیکي او مسلکي زده کړو د مرکزونو آمرینو خپلې ستونزې او اړتیاوې په دې کتنه کې د مالي او اداري چارو له مرستیال سره شریکې کړې او د تخنیکي او مسلکي زده کړو ملي ادارې مالي او اداري مرستیال مفتي فضل الرحمن فاضل د تخار ولایت د تخنیکي او مسلکي زده کړو د مرکزونو د ستونزو په هواري کې د همکارۍ ژمنه وکړه.
دغه راز په دې غونډه کې د تخنيکي او مسلکي زده کړو ادارې پلاوي د مالي او اداري چارو په برخه کې د ښه والي په موخه ګډونوالو ته سيمينار وړاندې کړ.
