د بلخ ولایت سیمه ییزو ادارو د نویو ګمارل شویو کارمندانو لپاره د ظرفیت لوړولو پروګرام ترسره شو
د تخنیکي او مسلکي زده کړو ادارې د شمال زون ریاست د بلخ ولایت په سیمهییزو ادارو کې د نوي ګمارل شويو کامندانو لپاره د ظرفیت لوړولو روزنیز سیمینار ترسره کړ.
یاد روزنیز سیمینار په بلخ ولایت کې د کاري چارو د پیاوړتیا او په یاد ولایت کې د سیمه ییزو حکومتي کارمندانو د ظرفیت لوړولو لپاره د زمینې برابرولو په موخه ترسره شو.
دغه راز د پروګرام ګډونوالو د تخنیکي او مسلکي زده کړو ادارې له دې د اقدام څخه هرکلی وکړ او په بلخ ولایت کې د چارو د پیاوړتیا په برخه کې یې د داسې پروګرامونو رول ارزښتناک وباله.
په ورته وخت کې، په بلخ ولایت کې د تخنیکي او مسلکي زده کړو ادارې مسؤلینو په بلخ کې د اداري چارو د پیاوړتیا په برخه کې د کارمندانو څخه پر ملاتړ ټینګار وکړ.
