د خاورې او د هغې د ډولو په اړه د محصلینو د عملي زده کړو بهیر
د سرپل ولایت اړوند جنګل باغ تحقیقاتي فارم ته د علمي سفر په ترڅ کې د یاد ولايت کرنې او وترنرۍ مسلکي انسټيټوټ د کرنې څانګې محصلینو ته د خاورې او هغې د ډولونو په اړه په عملي بڼه روزنه ورکړل شوه.
لارښود استاد محصلینو ته د خاورې ډولونو، د خاورې پي ایچ، مضره حشرات او د مضره حشراتو د ساختمان په اړه په عملي ډول توضیحات ورکړل همداراز د نوموړو پوښتنو ته یې ځوابونه هم وړاندې کړل.
د تخنيکي او مسلکي زده کړو په مرکزونو کې د زده کړو لویه برخه عملي ده، څرنګه چې د تخنيکي او مسلکي زده کړو د مرکزونو فارغان له فراغت وروسته په مستقيم ډول د کار بازار ته جزبیږي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
