د درایم ولسوالۍ کثیرالرشتوي انسټيټوټ د محصلینو د عملی زده کړو بهیر
د بدخشان ولایت د درایم ولسوالۍ کثیرالرشتوي انسټيټوټ د کرنې څانګې محصلینو ته د خاورې په اړه په عملي بڼه روزنه ورکړل شوه.
لارښود استاد د درس په ترڅ کې محصلینو ته د خاورې، د خاورې د ذراتو د پېژندلو او د خاورې د ډولونو په اړه په مفصله توګه توضیحات وړاندې کړل او د نوموړو پوښتنو ته یې ځوابونه وویل.
عملي زده کړې له محصلینو سره مرسته کوي ترڅو نومړي له فراغت وروسته د کار بازار ته جذب شي.
له همدې امله د تخنيکي او مسلکي زده کړو ادارې رهبري تل هڅه کوي چې د تخنيکي او مسلکي زده کړو په مرکزونو کې د عملي زده کړو بهير لا پياوړی کړي.
