په ولایتونو کې د تخنیکي او مسلکي زده کړو د مرکزونو د وضعیت د څېړنې دوام
د تخنيکي او مسلکي زده کړو ادارې سرپرست مولوي غلام حيدر شهامت د کندز ولايت مرکز تخنیکي او مسلکي انسټیټوټ او همدارنګه د چهاردرې ولسوالۍکثیرالرشتوي لېسې وضعیت بررسي کړ.
په دغې کتنه کې ښاغلي شهامت د کندز ولایت د تخنیکي او مسلکي زده کړو د مرکزونو د محصلینو ستونزې واورېدې.
د معیاري نصاب کمښت، د تدریس ودانۍ او د مسلکي استادانو نه شتون د دغو مرکزونو له لویو ننګونو څخه بلل کیږي.
د تخنيکي او مسلکي زده کړو ادارې سرپرست د يادو ستونزو په هواري کې د همکارۍ ژمنه وکړه.
د دغې ادارې سرپرست مولوي غلام حیدر شهامت په مشرۍ د تخنیکي او مسلکي زده کړو ادارې یو پلاوی ولایتونو ته سفر کړی دی.
د دغه سفر موخه د تخنیکي او مسلکي زده کړو د مرکزونو د وضعیت ارزول او د دغو مرکزونو د ستونزو حلول دي.
