د تخنیکي او مسلکي زده کړو ادارې مالي او اداري غونډه ترسره شوه
د تخنیکي او مسلکي زده کړو ادراې مالي او اداري چارو معاونیت غونډه د مالي او اداري چارو مرستیال مفتي فضل الرحمن فاضل په مشرۍ او د دغه ادارې د یو شمېر رئیسانو په حضور کې ترسره شوه.
په دغه غونډه کې د افغان ټکنالوژۍ په انسټیټوټ کې د یوه کانټین د جوړولو پر طرحه خبرې وشوې.
د افغان تکنالوژۍ انسټیټوټ آمر تاج محمد تلاش د دغه طرحې په اړه خبرې وکړې او ويې ويل چې په یاد انسټیټوټ کې د يوه کانټين په جوړولو سره به زده کوونکو او زده کړیالانو لپاره يو شمېر اسانتياوې برابرې شي.
د غونډې برخه والو د افغان تکنالوژۍ په انسټیټوټ کې د کانټین جوړولو په اړه هم خپل نظرونه شریک کړل او د هغه څه په شمول چې وویل شو په دغه برخه کې د مالیې وزارت دولتي املاکو د عمومي ریاست نظر په پام کې ونیول شي.
د غونډې په دوام کې د تدارکاتي پروسو بهیر د چټکتیا او پر خپل وخت د بودجې د لګولو په اړه خبرې وشوې
