د کلکان کثیرالرشتوي انسټيټوټ محصلینو ته د نیالګیو اصلاح کولو په اړه په عملي بڼه روزنه ورکړل شوه
د کابل ولایت کلکان ولسوالۍ کثیرالرشتوي انسټيټوټ د کرنې څانګې محصلینو ته د نیالګیو د اصلاح کولو په اړه په عملي بڼه روزنه ورکړل شوه.
لارښود استاد د درس په ترڅ کې محصلینو ته د شاخچه پرېکولو، د شاخچه بورۍ د اهمیت او ډولونو په اړه په مفصله توګه توضیحات وړاندې کړل.
د تخنیکي او مسلکي زده کړو په مرکزونو کې د روزنې لویه برخه عملي ده څرنګه چې د تخنیکي او مسلکي زده کړو مرکزونو فارغان له فراغت وروسته په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبرۍ تل هڅه کوي، چې د تخنيکي او مسلکي زده کړو په مرکزونو کې د عملي زده کړو لړۍ لا پياوړې کړي.
