د میدان وردگو ولایت د تخنیکي زده کړو مرکزونو استادانو او تدریسي مدیرانو لپاره د ظرفیت لوړولو سیمینار ترسره شو
د میدان وردګو ولایت تخنیکي او مسلکي زده کړو آمریت د یاد ولایت د تخنیکي او مسلکي زده کړو مرکزونو، استادانو او تدریسي مدیرانو لپاره د ظرفیت لوړولو شپږ ورځنی سیمینار ترسره کړ.
په یاد ښوونیز سیمینار کې ۳۲ تنه استادانو او تدریسي مدیرانو ګډون درلود، چې د ۶ کاري ورځو په موده کې به نوموړو ته د څارنی او ارزونې عمومی مدیریت له لوری د تدریس کیفیت په اړه روزنه ورکړل شي.
د میدان وردګو ولایت تخنیکي او مسلکي زده کړو آمریت د مسؤلینو په وینا، د دې ښوونیز سیمینار د ترسره کولو څخه یې موخه تدریسي برخو او چارو کې د دې ولایت د ښوونیزو مرکزونو د تدریسي مدیرانو او استادانو د ظرفیت لوړول دي.
دا په داسې حال کې ده چې د میدان وردګو ولایت تخنیکي او مسلکي زده کړو آمریت تل هڅه کوي چې د ظرفیت لوړولو پروګرامونو په لاره اچولو سره د خپلو کارمندانو د پوهې او پوهاوي کچه لوړه کړي.
