د میدان وردګو ولایت د مرکز تخنیکي انسټيټوټ محصلینو ته د برق تکنالوژۍ په اړه روزنه ورکړل شوه
د میدان وردګو ولایت د مرکز تخنیکي او مسلکي انسټيټوټ د برښنا څانګې محصلینو ته د یاد روزنیز مرکز په ورکشاپ کې د برق تکنالوژۍ په اړه په عملي بڼه روزنه ورکړل شوه.
لارښود استاد د درس پر مهال زده کوونکو ته د برق تکنالوژۍ په اړه په تفصیل سره معلومات ورکړل او د هغوی پوښتنو ته یې ځوابونه وویل.
عملي زده کړې له زده کوونکو سره مرسته کوي ترڅو له فراغت وروسته د کار بازار ته جذب شي، له همدې امله د تخنیکي او مسلکي زده کړو ملي ادارې رهبري تل د تخنیکي او مسلکي زده کړو په مرکزونو کې د عملي زده کړو پر پیاوړتیا ټینګار کوي.
