د مومندرې کرنې مسلکي انسټيټوټ د محصلینو لخوا د شاتو مچیو پالنه
د ننګرهار ولایت د مومندرې کرنې مسلکي انسټيټوټ محصلینو ته په عملي ډول د مچیو پالنې د څرنګوالي په اړه روزنه ورکړل شوه.
لارښود استاد محصلینو ته د درس په ترڅ کې د شاتو مچیو د ډولونو او د شاتو مچیو محصولاتو لکه «موم، ګرده او شات » په اړه هر اړخیز معلومات هم وړاندې کړل.
د تخنیکي او مسلکي زده کړو په مرکزونو کې ډیری زده کړې عملي دي. تر څو د دغو مرکزونو فارغان په مستقیم ډول د کار بازار ته جذب شي.
له همدې امله د تخنيکي او مسلکي زده کړو ادارې رهبري تل د تخنيکي او مسلکي زده کړو په مرکزونو کې د عملي زده کړو پر پياوړتيا ټينګار کوي.
