د تخنیکي او مسلکي زده کړو په یوه ښووونیز مرکز کې د عملي زده کړو لړۍ
د کاپیسا ولایت اړوند«حصه اول کوهستان» کرنې او وترنرۍ انسټيټوټ د وترنرۍ څانګې محصلینو ته د حیواني ناروغیو د درملنې او جراحۍ په اړه په عملي بڼه روزنه ورکړل شوه.
د لارښود استاد تر نظر لاندې، د دې انسټیټوټ په لابراتوار کې محصلینو د څارویو د جراحي کولو(عملیات کولو) سمه طریقه په عیني شکل د لابراتوار اړوند ماشینونو په کارولو سره مشاهده کړه او د دې درس له ښوونیزو موادو څخه یې په عملي ډول ګټه پورته کړه.
دغه راز لارښود استاد نوموړو ته د حیواني ناروغیو د تشخیص او د څارویو د جراحي کولو د څرنګوالي په اړه هراړخیز توضیحات ورکړل او د هغوی پوښتنو او سوالونو ته یې ځوابونه وویل.
د تخنیکي او مسلکي زده کړو په مرکزونو کې د روزنې لویه برخه عملي ده، له همدې امله، د تخنیکي او مسلکي زده کړو مرکزونو فارغان د فراغت وروسته په مستقیم ډول د کار بازار ته جذب کیږي.
