د تخنیکي او مسلکي زده کړو ادارې پلاوي بادغیس ولایت ته سفر وکړ
د تخنیکي او مسلکي چارو مرستیال، ښاغلي مولوي غلام سعید احساس د خپل سفر په ترڅ کې بادغیس ولایت ته لاړ.
په دې سفر کې د تخنیکي او مسلکي زده کړو ادارې د تخنیکي او مسلکي چارو مرستیال سره د یادې ادارې یو شمیر استازو د پلاوي په توګه ملتیا کوله ، چې موخه یې د تخنیکي او مسلکي زده کړو مرکزونو ننګونو او ستونزو ته ته رسیدګي ویل شوې.
په ورته وخت کې، دغه پلاوي د جوند ولسوالۍ د کرنې مسلکي انسټیټیوټ، د مرکز مدیریت او محاسبې انسټیټیوټ، د قادس ولسوالۍ د کرنې مسلکي لیسې، د بالامرغاب ولسوالۍ د کرنې مسلکي لیسې او همدارنګه د یاد ولایت د مرکز له تخنیکي او مسلکي زده کړو مرکزونو د ښوونیز وضعیت څخه څارنه وکړه.
نوموړو د ښوونیزو مرکزونو ستونزې او ننګونې له نږدې ولیدلې او ژمنه یې وکړه چې د دې مرکزونو ستونزو او ننګونو ته به ژر رسیدګي کېږي.
دغه راز یاد پلاوي د یادو مرکزونو له مسوُلینو څخه وغوښتل چې د عملي زدهکړو او تعلیمي پلانونو په تطبیق کې لا زیاتې هلې ځلې وکړي
دا سفر په داسې حال کې کېږي له دې وړاندې نوموړو د فاریاب ولایت اړوند د تخنیکي او مسلکي زده کړو مرکزونو له وضعیت څخه هم کتنه او څارنه ترسره کړې ده.
