د تخنیکي او مسلکي زده کړو ادارې د اکاډمیک بورډ غونډه ترسره شوه
د تخنیکي او مسلکي زده کړو ادارې د اکاډمیک بورډ غونډه د دغه ادارې د تخنیکي او مسلکي چارو مرستیال مولوي غلام سعید احساس په مشرۍ ترسره شوه.
په دغه غونډه کې یو شمېر رئیسانو او د بورډ غړو هم حضور درلود.
د غونډې په پيل کې د تخنيکي او مسلکي چارو مرستيال مولوي غلام سعيد احساس د ښه نيت او نیکو عملونو په اړه خبرې وکړې.
د اجنډا له مخې په ځینو خصوصي انسټيټونو کې د زده کړیالانو د جذب څرنګوالی، د شپي سمسترونه له پنځو سمسترونو څخه څلورو سمسترونو ته راټیټول، د عملي کارونو د لایحې مسودې، د کرنې او خوراکي توکو د پروسس په انسټیټوټ کې د شپې مهال رامنځته کول، د هغو انسټیټونو وضعیت په اړه چې د جواز موده یې پای ته رسېدلې او زده کوونکي نه لري، بحث وشو.
د شپي برخې یو سمسټر لرې کولو په ګډون د ځینو موضوعاتو د حل لپاره یوه کمیټه وټاکل شوه.
د کابل د کرنې او خوراکي توکو د پروسس په انسټيټيوټ کې د شپې مهال د جوړولو په اړه هم خبرې وشوې او پرېکړه وشوه چې د قانوني محدودیت د نه شتون په صورت کې دې د شپې مهال څانګه جوړه شي. د دغه موضوع د تعقیب لپاره یوه کمیټه هم ټاکل شوې ده.
د اکاډمیک بورډ په غونډه کې د يو شمېر هغو خصوصي انسټیټونو پر وضعيت، چې جوازونه يې ختم شوي او زده کړیالان نه لري، بحث وشو او پرېکړه وشوه، چې په دې هکله دې يوه کاري کمېټه جوړه، ترڅو په دغه برخه کې تصمیم ونیسي.
په دغه غونډه کې د کابل د تخنیکي او مسلکي زده کړو آمریت پر پلان چې د کابل ښار د یو شمېر انسټیټونو مدیریت دې آمریت ته سپارل کېږي هم خبرې وشوې.
غونډه د خیر دعا په ویلو سره پای ته ورسیده.
