د تخنیکي او مسلکي زدهکړو د زونونو د کارکوونکو لپاره د ظرفیت لوړونې پروګرام پیل شو
د تخنیکي او مسلکي زدهکړو ادارې د کارکوونکو چارو ریاست د تخنیکي او مسلکي زدهکړو د ۸ زونونو د کارکوونکو لپاره د ظرفیت لوړونې روزنیز پروګرام جوړ کړ.
په دې پروګرام کې د هېواد د تخنیکي او مسلکي زدهکړو له ۸ زونونو څخه څه باندې ۴۰ کارکوونکو ګډون کړی او ټاکل شوې چې د پنځو ورځو په ترڅ کې د بازار د څېړنې او تحلیل، تعلیمي نصاب، پلان جوړونې او حرفهيي زدهکړو په ګډون په بېلابېلو برخو کې روزنه ترلاسه کړي.
د دې پروګرام د پرانیستې په مراسمو کې د تخنیکي او مسلکي زدهکړو ادارې د مالي او اداري چارو مرستیال، محترم مفتي فضلالرحمن فاضل، له ګډونوالو وغوښتل چې له دې فرصت څخه په ګټې اخیستنې خپل مسلکي معلومات او وړتیاوې لا پیاوړې کړي.
د مالي او اداري چارو مرستیال همدارنګه وویل، د ټکنالوژۍ د پرمختګ له امله د کارکوونکو د ظرفیت لوړول ډېر مهم دي او هغوی باید خپله پوهه او وړتیاوې د وخت له علمي اړتیاوو سره همغږې کړي.
نوموړي د خپلو خبرو په پای کې ټینګار وکړ چې دنده یو الهي امانت دی او هر مسئول باید د الله تعالی او خلکو پر وړاندې د خپلو کړنو او مسؤلیتونو ځواب ویونکی وي.
