د میدان وردګو ولایت اړوند سیدآبادکثیرالرشیتوي انسټيټوټ د محصلینو د عملي زده کړو بهیر
د میدان وردګو ولایت اړوند د سیدآباد ولسوالۍ کثیرالرشتوي انسټيټوټ د موټر څانګې محصلینو ته د موټر د ویرنګ کارۍ څرنګوالي په اړه په عملي بڼه روزنه ورکړل شوه.
لارښود استاد د درس په ترڅ کې محصلینو ته د موټر د ویرنګ کارۍ د څرنګوالي او همدارنګه د موټر د برق سیستم په اړه په مفصله توګه توضیحات وړاندې کړل او د نوموړو پوښتنو ته یې ځوابونه هم وویل.
د تخنیکي او مسلکي زده کړو په مرکزونو کې د روزنې لویه برخه عملي ده څرنګه چې د تخنیکي او مسلکي زده کړو مرکزونو فارغان له فراغت وروسته په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبرۍ تل هڅه کوي، چې د تخنيکي او مسلکي زده کړو په مرکزونو کې د عملي زده کړو لړۍ لا پياوړې کړي.
