د میدان وردګو ولایت سیدآباد کرنې مسلکي لېسې زده کوونکو د عملي زده کړو بهیر
د میدان وردګو ولایت سیدآباد کرنې مسلکي لېسې د دوولسم ټولګي زده کوونکو ته د «رُب» جوړولو په اړه په عملي بڼه روزنه ورکړل شوه.
لارښود استاد د درس په ترڅ کې، نوموړو ته د «رُب» جوړولو د څرنګوالي او همداراز د «رُب» د ارزښت په اړه په مفصله توګه توضیحات وړاندې کړل.
د تخنیکي او مسلکي زده کړو په مرکزونو کې د روزنې لویه برخه عملي ده څرنګه چې د تخنیکي او مسلکي زده کړو مرکزونو فارغان له فراغت وروسته په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ملي ادارې رهبري تل هڅه کوي، چې د تخنيکي او مسلکي زده کړو په مرکزونو کې د عملي زده کړو لړۍ لا پياوړې کړي.
