د تخنیکي او مسلکي زدهکړو ادارې پلاوي د ننګرهار ولایت د تخنیکي زدهکړو له مرکزونو لیدنه وکړه
د تخنیکي او مسلکي زدهکړو ادارې پلاوي ننګرهار ولایت ته د خپل سفر په ترڅ کې، په یاد ولایت کې د یو شمیر تخنیکي او مسلکي زدهکړو مرکزونو وضعیت له نږدې ولیده او وڅیړه.
دغه پلاوي د تخنیکي او مسلکي زدهکړو د تدریسي چارو، څیړنیزو فارمونو، او همدارنګه د مالي او اداري چارو له مرکزونو څخه لیدنه وکړه او د چارو د لا ښه والي لپاره یې مسؤلینو ته اړینې لارښوونې او مشورې ورکړې.
د دې پلاوي سفر موخه یاد ولایت ته د تخنیکي او مسلکي زده کړو مرکزونو د ستونزو او ننګونو څخه لیدنه او حل کول دي.
