مفتي فضل الرحمن فضل د چپرهار کرنې انسټیټوټ د آزموینو له بهیر څخه لیدنه وکړه
د تخنیکي او مسلکي زده کړو ادارې مالي او اداري چارو مرستیال ښاغلي مفتي فضل الرحمن فاضل ننګرهار ولایت ته د خپل سفر په ترڅ کې د یاد ولایت چپرهار ولسوالۍ د کرنې انسټیټوت د وروستۍ/ نهایې آزموینو څخه لیدنه وکړه.
په دغې کتنه کې نوموړي د دغه ښوونیز مرکز له محصلینو، استادانو او کارکوونکو سره خبرې وکړې.
د چپرهار کرنې انسټيټوټ مسؤلينو خپلې ستونزې د مالي او اداري چارو له مرستيال سره شريکې کړې. د لابراتوار او دفتري تجهیزاتو کمښت د دغه انسټیټوټ یوه له لویو ستونزو څخه یاد شوې دي.
په ورته وخت کې ښاغلي مفتي فضل الرحمن فاضل د چپرهار کرنې انسټیټوټ د ستونزو د هواري ژمنه وکړه او د یو شمېر مسایلو په اړه یې مسؤلینو ته لازمې لارښوونې هم وکړې.
له بل پلوه د تخنیکي او مسلکي زده کړو ادارې مالي او اداري چارو مرستیال د چپرهار کرنې انسټیټوټ پخوانۍ ودانۍ څخه هم لیدنه وکړه.
د تخنيکي او مسلکي زده کړو ادارې مالي او اداري چارو مرستيال ښاغلي مفتي فضل الرحمن فاضل د يوه پلاوي په مشرۍ ننګرهار ولايت ته د تخنيکي مرکزونو ستونزو د حل په موخه سفر کړی دی.
نوموړي د تخنیکي او مسلکي زده کړو له مرکزونو څخه د لیدنې ترڅنګ د ننګرهار مرستیال والي په ګډون له سیمه ییزو چارواکو سره هم وکتل.
