هلمند کې د اسلامي امارت ۵۵ تنه مجاهدین له یوې ښوونيزې دورې څخه فارغ شول
د هلمند په ملکي او نظامي ادارو کې ۵۵ نوي ګمارل شوي مجاهدین له دری میاشتني روزنیز کورس څخه فارغ شول.
دغه روزنیز کورس د هلمند د ادارې او حسابدارۍ انسټیټوټ له خوا په لاره اچول شوی وو.
په دغه روزنیزه برنامه کې د دریو میاشتو په موده کې هغو د ا.ا.ا مجاهدینو ته اداري او کمپیوټري مهارتونه ور زده کړل شول چې په دولتي ادارو کې د کارکوونکو په صفت ګمارل شوي دي.
د هلمند ادارې او حسابدارۍ انسټیټوټ له دې وړاندې هم د مجاهدینو لپاره ښوونیز پروګرامونه جوړ کړي دي.
