د میدان وردګو ولایت اړوند جلریز کثیرالرشتوي انسټیټوټ زده کوونکو د پیازو د درملنې په اړه روزنه ترلاسه کړه
د میدان وردګو ولایت اړوند د جلریز کثیرالرشتوي انسټیټوټ د دولسم ټولګي زده کوونکو ته د تخنیکي او مسلکي زده کړو ادارې د عملي زده کړو په قالب کې د پیازو د امراضو درملنې او پیژندنې په اړه په عملی ډول روزنه ترلاسه کړه.
لارښود استاد د درس په جریان کې، زده کوونکو ته د نباتي ناروغیو د درملنې، په بیازو کې د مرضونو پیژندلو او د پيازو حاصلاتو راټولولو په اړه مفصل توضیحات وړاندې کړل.
د تخنیکي او مسلکي زده کړو په مرکزونو کې د روزنې لویه برخه عملي ده څرنګه چې د تخنیکي او مسلکي زده کړو مرکزونو فارغان د فراغت وروسته په مستقیم ډول د کار بازار کې جذب کیږي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو بهیرلا پیاوړی کړي.
