د شبکو د سیسټمونو مدیریت په اړه روزنیز سیمینار وړاندې شو
د خوست ولایت مرکز کثیرالرشتوي انسټیټوټ د کمپیوټر ساینس څانګې یوه محصل د کمپیوټري سیسټمونو او د شبکو مدیریت په اړه روزنیز سیمینار وړاندې کړ.
محصل نوراحمد د اړوندې څانګې استاد تر لارښوونې لاندې په یوه درسي جلسه کې د سیسټمونو او شبکو مدیریت په اړه مفصل معلومات وړاندې کړل.
همدارنګه د دې پروګرام پر مهال زدهکوونکو د سیسټم تنظیم او د شبکې کنټرول په اړه بحث وکړ او خپلې تجربې او معلومات یې له یو بل سره شریک کړل.
په هېواد کې د ټکنالوژۍ پرمختګ او اهمیت ته په پام، د تخنیکي او مسلکي زدهکړو مرکزونه هڅه کوي چې تعلیمي نصاب او درسي مواد د کار بازار له اړتیاوو سره سم تنظیم کړي.
په همدې موخه د تخنیکي او مسلکي زدهکړو ادارې مشرتابه تل ټینګار کړی چې د یادو مرکزونو تعلیمي نصاب باید د کار بازار د اړتیاوو پر بنسټ برابر شي.
