د لغمان ولایت د مرکز اړوند تخنیکي او مسلکي لیسې زده کوونکو ته برښنا په اړه روزنه ورکړل شوه
د لغمان ولایت د مرکز اړوند تخنیکي او مسلکي لیسې د برښنا څانګې، دولسم ټولګي زده کوونکو ته د یاد ولایت په سلطان غازي بابا برښنایي شبکه کې د یو علمي سفر په ترڅ کې د برښنا په اړه عملي روزنه ورکړل شوه.
لارښود استاد در درس په ترڅ کې زده کوونکو ته د « ۴۰۰ ولټه برقي شبکې او همدارنګه د برق لوړو فازونو » په اړه په مفصل بڼه توضیحات وړاندې کړل.
ښکاره ده چې عملي زده کړې له محصلینو سره مرسته کوي چې له فراغت وروسته دکار په بازار کې دنده ترلاسه کړي. له همدې امله د تخنيکي او مسلکي زده کړو ملي ادارې رهبري تل د تخنيکي او مسلکي زده کړو په مرکزونو کې د عملي زده کړو پر لا پياوړتيا ټينګار کوي.
