د خوست ولایت اړوند تخنیکي انسټيټوټ کې د محصلینو له لوري د عملي روزنو د زده کړې دوام
د خوست ولایت تحنیکي انسټيټوټ د ساختماني څانګې محصلینو، د یاد تخنیکي مرکز د عملي زده کړو په چوکاټ کې د لیول کولو او د لیول ماشینونو په اړه په عملي بڼه روزنه ترلاسه کړه.
نوموړو ته په دې درسي جلسه کې د " ساختمانی پروژو، لیول کاري او د لیول کارۍ ماشینونو" په اړه په عملي او نظري شکل روزنه ورکړل شوه.
دغه راز د روزنې په جریان کې، محصلینو په عملي توګه د استاد لارښوونې تعقیب کړې او خپلې پوښتنې یې شریکې کړې.
عملي زده کړې د مفاهیمو د ښه پوهیدو سربیره، یادې زده کړې د زده کونکو هڅونې او د بیلابیلو علومو د زده کړې په برخه کې د نوموړو لیوالتیا په زیاتولو کې هم مرسته کوي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو بړۍ نوره هم پیاوړې کړي.
