د تخنیکي او مسلکي زده کړو ادارې مالي او اداري مرستیال د بدخشان ولایت د تخنیکي زده کړو په مرکزونو کې د آزموینې له بهیر څخه لیدنه وکړه
د تخنيکي او مسلکي زده کړو ادارې مالي او اداري مرستيال ښاغلي مفتي فضل الرحمن فاضل بدخشان ولايت ته د خپل سفر په دوام کې په یاد ولايت کې د تخنيکي او مسلکي زده کړو د يو شمېر مرکزونو د پسرلني (بهاري) سمستر د آزموینې له بهیر څخه ليدنه وکړه.
نوموړي محصلینو ته د لا بریاوو هیله وکړه او له هغوی یې وغوښتل چې د علم په ترلاسه کولو او د هېواد د پرمختګ لپاره لا زیات کار وکړي.
دغه لیدنه په داسې حال کې کېږي چې د هېواد په سړو سیمو (سردسیرو) او ولایتونو کې د تخنیکي او مسلکي زده کړو د مرکزونو د پسرلني (بهاري) سمستر آزموینې نن د چنګاښ میاشتې په ۱۶مه نیټه پیل شوي.
