د تخنیکي او مسلکي زده کړو ادارې لوی رئیس د لغمان ولایت له ښوونیزو مرکزونو څخه لیدنه وکړه
د تخنیکي او مسلکي زده کړو ادارې لوی رئیس ښاغلي مولوي غلام حیدر شهامت او ورسره مل پلاوي یې د خپل سفر په دوام کې، لغمان ولایت ته سفر وکړ.
الحاج مولوي شهامت لغمان ته د خپل سفر په ترڅ کې په یاد ولایت کې د تخنیکي او مسلکي زده کړو مرکزونو د ستونزو او ننګونو څخه له نږدې لیدنه وکړه او همداراز د ستونزو او ننګونو په برخه کې یې امکاناتو ته په کتو سره د همکارۍ ژمنه هم وکړه.
همداراز نوموړي په دې سفر کې د تخنیکي او مسلکي زده کړو مرکزونو له ځايي مسؤلینو سره هم وکتل او په یادو مرکزونو کې د چارو د ښه والي په موخه یې نوموړو ته اړینې لارښوونې وکړې.
دا په داسې حال کې ده چې له دې وړاندې د تخنیکي او مسلکي زده کړو لوی رئیس نورستان ولایت ته سفر درلود چې په دې سفر کې یې د یاد ولایت د ښوونیز مرکزونو له وضعیت څخه هم لیدنه کړې ده.
