د تخنیکي او مسلکي زده کړو ادارې سرپرست په حضور کې حضرت محمد (ﷺ) میلاد تجلیل شو
د اسلام ستر لارښود حضرت محمد مصطفی (ﷺ) د میلاد په مناسبت د یو لړ مراسمو په ترڅ کې چې د تخنیکي او مسلکي زده کړو ادارې سرپرست مولوي غلام حیدر شهامت او د انرژۍ او اوبو او وزارت او امر بالمعروف و نهی از منکر چارواکو هم ګډون کړی وو تجلیل شول.
ښاغلي شهامت په دې غونډه کې په خپله وینا کې د حضرت محمد مصطفی (ﷺ) په ژوند، شخصیت او اخلاقو خبرې وکړې.
نوموړي وویل چې د اسلام ستر پیغمبر د ټولې نړۍ لپاره رحمت دی او ټول هغه احکام چې د الله تعالی له لوري د رسول الله (ﷺ) له لارې رالیږل شوي، رحمت دي.
هغه د دې غونډې ګډونوال هم وهڅول چې د رسول الله (ﷺ) د سنتو اطاعت وکړي.
د يادونې وړ ده، چې په دې مراسمو کې د رسول الله (ﷺ) د سیرت النبی سيالۍ (400) ګډونوالو ته د ازموينې پايلې هم اعلان شوې او هغه چا چې غوره نمرو ترلاسه کړي وی جايزې او ستاينليکونه ورکړل شول.
