د تخنیکي او مسلکي زده کړو ادارې او پوهنې وزارت ترمنځ دوه اړخیزه ناسته ترسره شوه
د تخنیکي او مسلکي زده کړو ادارې سرپرست الحاج مولوي غلام حیدر شهامت د یوې دوه اړخیزې ناستې په ترڅ کې د هیواد د پوهنې وزارت له سرپرست ښاغلي حبیب الله آغا سره وکتل او خبرې اترې یې وکړې.
دواړو خواوو په دې ناسته کې د ګډو همکاریو د پیاوړتیا په اړه بحث وکړ.
د تخنیکي او مسلکي زده کړو ادارې سرپرست او ښاغلي حبیب آغا ترمنځ په کتنه کې، په هیواد کې د تعلیمي سکتور پر هر اړخیز ملاتړ ټینګار وشو.
نوموړو په خپلو ویناوو کې په هیواد کې د تعلیمي سکتور دندو او مسؤلیتونو ته په اشارې سره ټینګار وکړ چې دا سکتور ډیر کار او فعالیت ته اړتیا لري.
دغه راز په دې جلسه کې د هیواد د تعلیمي چارو اړوند پر نورو موضوعاتو هم بحث وشو او غونډه د دعایې په ویلو سره پای ته ورسیده.
