د تخنیکي او مسلکي زده کړو ادارې او د (جه آر اس) مؤسسې ترمنځ هوکړه لیک لاسلیک کول
د تخنیکي او مسلکی زده کړو اداری د (جه آر اس) مؤسسی سره هوکړه لیک لاسلیک کړ ترڅو په کابل، هرات او بامیان ولایتونو کې د ځوانانو لپاره تخنیکي او مسلکي مهارتونه چمتو کړی.
دغه هوکړه لیک د پنجشنبې په ورځ (غبرګولې ۲۰) د تخنیکي او مسلکي زده کړو اداری مشری میرمن ندیمه سحر او (جه آر اس) مؤسسی رئیس ښاغلي جیرم سیکویرا ترمنځ لاسلیک شو.
د یاد هوکړه لیک موخه په هرات او بامیانو د ولایتونو په شمول د مرکز کابل په ځینو برخو کې د میرمنو لپاره فنی حرفوی او مسلکې زده کړو له جملې موبایل ترمیم، خیاطی، غالیو اوبدل، لاسی ګنډل او د چرګانو روزنې کورسونو جوړول دی.
د هوکړه لیک پر اساس، په تعلیمي برنامو کې د زده کوونکو لپاره اړین درسي کتابونو، درسي موادو او قرطاسیې چمتو کول د "جه آر اس" محترمې ادارې مسؤلیتونو برخه ده. د تخنیکي او مسلکي زده کړو اداره هم ژمنه ده چې د ټولګیو، چوکیو، میزونو او برښنا په ګډون مناسب زده کړه ییز چاپیریال چمتوکړی.
ویل کېږی چې (جه آر اس) یو نړیوال سازمان دی چې د (۵۵) څخه ډیرو هیوادونو کې د مهاجرینو، بیرته راستنیدونکو او داخلي بې ځایه شویو لپاره کار کوي. د دې موسسې اصلي تمرکز د لومړني اړتیا له امله تعلیم او مسلکي مهارتونو باندې دی.