د تخنيکي او مسلکي چارو مرستيال د کندهار تخنيکي مرکزونو له آمرینو سره وکتل
د تخنيکي او مسلکي چارو مرستيال ښاغلي مولوي غلام سعيد احساس د تخنيکي او مسلکي زده کړو ادارې د يوه پلاوي په مشرۍ یاد ولايت ته سفر کړى او دا مهال په کندهار کې دى.
نوموړي پلاوي د کندهار ولایت د تخنیکي او مسلکي زده کړو مرکزونو د وضعیت د څېړلو په پای کې د یاد ولایت د تخنیکي او مسلکي زده کړو د مرکزونو له آمرینو سره ناسته ترسره کړه.
د دغې ناستې ګډونوالو د تخنیکي زده کړو په مرکزونو کې د عملي کار د ښه والي او د اړتیاوو د حل کولو په ګډون په بېلابېلو موضوعاتو خبرې وکړې.
په تخنيکي او مسلکي چارو مرستيال په کندهار کې د تخنيکي مرکزونو له آمرینو سره په کتنه کې د دندو په ترسره کولو کې په ژمنتیا او اخلاص ټينګار وکړ او ويې ويل چې موږ ټول بايد د هېواد د پرمختګ لپاره کار وکړو.
بل خوا په کندهار کې د تخنیکي او مسلکي زده کړو د مرکزونو آمرینو خپل نظرونه او وړاندیزونه د تخنیکي او مسلکي زده کړو له اداري پلاوي سره شریک کړل.
ښاغلي مولوي احساس د دوی د اړتیاوو او ستونزو د هواري ژمنه وکړه او د ځینو مسایلو په اړه یې مسؤلینو ته لازمې لارښوونې هم وکړې.
