د تخنيکي او مسلکي زده کړو ملي ادارې مالي او اداري مرستيال د بدخشان ولايت له مسوولينو سره وکتل
د تخنيکي او مسلکي زده کړو ملي ادارې مالي او اداري مرستيال مفتي فضل الرحمن فاضل بدخشان ولايت ته د خپل سفر په ترڅ کې د بدخشان له مرستيال والي قاري امين الله طيب سره وکتل.
ښاغلي مفتي فاضل په دې کتنه کې د تخنیکي او مسلکي زده کړو د روزنې او د دې ادارې د وروستیو لاسته راوړنو په اړه معلومات وړاندې کړل.
په دې کتنه کې د بدخشان ولایت د تخنیکي او مسلکي زده کړو د مرکزونو په بېلابېلو مسایلو خبرې وشوې.
په ورته وخت کې محترم قاري امین الله طیب د تخنیکي او مسلکي زده کړو د ملي ادارې وروستي فعالیتونه او لاسته راوړنې وستایلې او ژمنه یې وکړه، چې په دغه ولایت کې د تخنیکي او مسلکي زده کړو د مرکزونو د ستونزو په هواري کې به همکاري کوي.
