د بلخ ولایت تخنیکي او مسلکي زده کړو آمریت د اداري کارمندانو لپاره د ظرفیت لوړولو سیمینار ترسره شو
د تخنیکي او مسلکي زده کړو ادارې اړوند له تحقیق او نوښت ریاست څخه یوه پلاوي، بلخ ولایت ته د سفر په ترڅ کې د شمال زون د تخنیکي او مسلکي زده کړو له رئیس سره وکتل.
د تخنیکي او مسلکي زده کړو د شمال زون له رئیس سره له لیدنې وروسته، یاد پلاوي د بلخ ولایت د تخنیکي او مسلکي زده کړو آمریت د یو شمیر اداري مدیرانو لپاره د ظرفیت لوړولو سیمینار هم ترسره کړ.
په دې سیمینار کې، د تحقیق ریاست د کارپوهانو لخوا ګډونوالو ته د کلني عملیاتي پلان د اساسي مفاهیمو تشریح، د میاشتني، ربعوار او کلني ګزارشونو د چمتو کولو په شمول د بیلابیلو موضوعاتو په اړه توضیحات وړاندې شول.
په ورته وخت کې ګډونوالو هم په دې برخه کې خپلې پوښتنې او نظرونه شریک کړل.
د تحقیق او نوښت ریاست د مسؤلینو په وینا، ددې پروګرام د ترسره کیدو موخه د کارمندانو د پوهې کچه لوړول او د بلخ ولایت په مسلکي برخو کې د اداري چارو غوره والی دی.
