د فراه ولایت د زراعت او وترنرۍ انسټيټوټ د زده کړيالانو د عملي زده کړو بهیر
د فراه ولایت د زراعت او وترنرۍ انسټيټوټ د څوارلسم ټولګۍ وترنرۍ څانګې زده کړيالانو ته د «حيوان د ظاهري وضعيت» د معاينه کولو په اړه په عملي بڼه روزنه ورکړل شوه.
لارښود استاد محصلینو ته د «حيوان د ظاهري وضعيت» د معاينه کولو د څرنګوالي او همداراز د «يادو معايناتو» د ارزښت په اړه په مفصله توګه توضیحات وړاندې کړل.
د تخنیکي او مسلکي زده کړو په مرکزونو کې د روزنې لویه برخه عملي ده څرنګه چې د تخنیکي او مسلکي زده کړو مرکزونو فارغان له فراغت وروسته په مستقیم ډول د کار بازار ته جذبیږي.
له همدې امله د تخنيکي او مسلکي زده کړو ادارې رهبرۍ تل هڅه کوي، چې د تخنيکي او مسلکي زده کړو په مرکزونو کې د عملي زده کړو لړۍ لا پياوړې کړي.
