د مالې او اداري چارو مرستیال له اداري څانګو څخه لیدنه وکړه!
دتخنيکي او مسلکي زده کړو ادارې مالي او اداري چارو مرستیال ښاغلي مفتي فضل الرحمن فاضل ددغه ادارې له مالي او اداري معينيت له اړونده څانګو څخه ليدنه وکړه.
ښاغلي فاضل د مالی او حسابی، انساني سرچېنو او خدماتو او املاکو ریاستونو له کارکوونکو سره وکتل او د هغوی ستونزې یې واورېدې.
د مالي څانګو کارکوونکو هم خپلې اداري اړتیاوې لکه د کاغذي کارونو، د کارکوونکو کمښت او د کمپیوټرونو نشتوالي ستونزې له مالي او اداري چارو مرستیال سره شریکې کړې.
ښاغلي فاضل ژمنه وکړه، چې د ستونزو د حل او د اسانتیاوو په برخه کې به یې اړتیاوې پوره کړي.
