د تخنیکي او مسلکي زدهکړو ادارې له لوري د نیالګیو کېنولو کمپاین دوام لري
د نیالګیو کېنولو کمپاین چې څه موده وړاندې د تخنیکي او مسلکي زدهکړو ادارې له لوري د ولایتي تخنیکي آمریتونو په همکارۍ پیل شوی و، لا هم دوام لري.
په همدې لړ کې د پکتیا ولایت د تخنیکي او مسلکي زدهکړو آمریت مسؤلین وایي چې تر دې دمه یې د تخنیکي او مسلکي زدهکړو په مرکزونو کې سلګونه مېوهلرونکي او نه مېوهلرونکي نیالګي کېنولي دي.
د هېواد ښاریان د تخنیکي او مسلکي زدهکړو ادارې د نیالګیو کېنولو له دې پروګرام څخه مننه کوي او وایي چې په تعلیمي مرکزونو کې د شنو ساحو رامنځته کول ډېر مهم دي.
په همدې حال کې د تخنیکي او مسلکي زدهکړو مرکزونو زدهکوونکي هم وایي چې دوی په دې پروګرام کې برخه اخلي او زیاتوي چې د نیالګیو کېنولو له کمپاین سره به په پوره توان همکاري وکړي.
دا پروګرام په داسې حال کې دوام لري چې تېر کال هم د تخنیکي او مسلکي زدهکړو ادارې له لوري د هېواد په بېلابېلو ولایتونو کې زرګونه نیالګي کېنول شوي وو.
