د کاپيسا ولایت د تخنیکی و او مسلکی زده کړو آمریت د استادانو او اداري کارمندانو لپاره د ظرفیت لوړونې سیمینار ترسره شو
د کاپیسا ولایت د تخنیکي او مسلکي زده کړو آمریت د یاد ولایت د تخنیکي او مسلکي زده کړو مرکزونو د استادانو او اداري کارمندانو لپاره د ظرفیت لوړونې سیمینار ترسره کړ.
په دې پروګرام کې د یاد ولایت د تخنیکي او مسلکي زده کړو مرکزونو یو شمیر استادانو او اداري کارمندانو ګډون درلود، چې نوموړو ته د راپور د پلان ترتیب کولو څرنګوالي او د نمره دهۍ په اړه روزنه ورکړل شوه.
د کاپیسا د تخنيکي او مسلکي زده کړو آمریت د مسوولينو په وينا، د دغه ښوونيز سيمينار له ترسره کولو څخه يې موخه د یاد ولایت په تخنیکي مرکزونو کې د استادانو د ظرفيتونو لوړول دي.
دا په داسې حال کې ده چې، د تخنیکي او مسلکي زده کړو ادارې رهبري، د کار بازار اړتیاوو او نوي تعلیمي معیارونو ته په ټینګار سره، هڅه کوي چې د دې پروګرامونو له لارې د زده کړې کیفیت ښه کولو او د کار بازار لپاره د زده کونکو د ښه چمتو کولو لپاره زمینه برابره کړي.
