د لغمان ولایت د قرغيو کثیرالرشتوي انسټیټوټ د زده کونکو د عملي زده کړو بهیر
د لغمان ولایت د قرغيو کثیرالرشتوي انسټیټوټ لسم ټولګي زده کوونکو ته د پستې د تخمونو د کرلو په اړه په عملي بڼه روزنه ورکړل شوه.
لارښود استاد د درس په ترڅ کې زده کونکو ته د ګرین هاوس(شنې خونې)په داخل کې د پستې تخم په پلاستیکي ګلدانونو کې د کښت په اړه په مفصله توګه توضیحات وړاندې کړل او د نوموړو پوښتنو ته یې ځوابونه هم وویل.
د تخنیکي او مسلکي زده کړو په مرکزونو کې د روزنې لویه برخه عملي ده، څرنګه چې د تخنیکي او مسلکي زده کړو مرکزونو فارغان له فراغت وروسته په مستقیم ډول د کار بازار کې جذب کیږي.
له همدې امله، د تخنیکي او مسلکي زده کړو ادارې رهبري تل هڅه کوي چې د تخنیکي او مسلکي زده کړو په مرکزونو کې د عملي زده کړو لړۍ لا پیاوړې کړي.
