د نجارۍ څانګې د نصاب د بیا کتنې بهیر پیل شو
د تخنیکي او مسلکي زده کړو ادارې د نصاب او ښوونکو د روزنې ریاست د نجارۍ څانګې د نصاب د بیا کتنې ورکشاپ جوړ کړ.
یاد پروګرام به څلور ورځې دوام وکړي په یاد پروګرام کې استادان، متخصصین او د چارو کارشناسان ګدون لري.
د نصاب او ښوونکو د روزنې ریاست د مسولینو په وینا، د نصاب د بیا کتنې موخه د داسې نصاب جوړول دي چې د کار بازار اړتیاوې پوره کړي.
دا په داسې حال کې ده چې د تخنیکي او مسلکي زده کړو د یو شمېر څانګو نصابونه د یادې ادارې د نصاب او ښوونکو د روزنې ریاست له خوا اصلاح شوي دي.
