د بغلان ولایت د تخنیکي زده کړو په مرکزونو کې د حرفوي پروګرامونو پیل
د بغلان ولایت د تخنیکي او مسلکي زده کړو په مرکزونو کې د حرفوي زده کړو دویم پړاو پیل شو.
په دې مراسمو کې د تخنيکي او مسلکي زده کړو ادارې مالي او اداري مرستيال مفتي فضل الرحمن فاضل هم حضور درلود او وينا يې هم وکړه.
نوموړي په خپلو خبرو کې وويل، چې په ټولنه کې د کار موندلو لپاره حرفوي زده کړې خورا مهمې دي او د تخنيکي او مسلکي زده کړو ملي اداره له دې پروګرامونو څخه ملاتړ کوي.
دا په داسې حال کې ده، چې تر دې دمه د تخنيکي او مسلکي زده کړو ادارې له حرفوي پروګرامونو څخه سلګونه کسان فارغ شوي او د کار په بازار کې په دندو بوخت دي.
