په شولګره ولسوالۍ کې د ادارې او مدیریت په برخه کې د مجاهدینو روزنیز پروګرام پیل شو
د بلخ ولایت د تخنیکي او مسلکي زده کړو آمریت مسؤلین د دغه ولایت په شولګره ولسوالۍ کې د مجاهدینو لپاره د ادارې او مدیریت د روزنیز پروګرام د پیل خبر ورکوي.
د دغه پروګرام د افتتاحیې په مراسمو کې سیمه ییزو چارواکو او مشرانو هم حضور درلود.
په دې غونډه کې ويناوالو د مجاهدينو لپاره د زده کړو د زمينې په برابرولو کې د تخنيکي او مسلکي زده کړو د ادارې هلې ځلې
وستايلې او زياته يې کړه چې له دې فرصت څخه بايد ډېره استفاده وشي.
د هغې طرحې پر بنسټ چې د تخنیکي او مسلکي زده کړو ادارې لخوا چمتو شوې او د ریاست الوزرا د مقام لخوا منظور شوې ده؛ د هیواد په هر ګوټ کې مجاهدین کولای شي د تعلیمي سویې له تثبیت وروسته د تخنیکي او مسلکي زده کړو په مرکزونو کې شامل شي.
