ښاغلي مولوي غلام سعید احساس د هلمند ولایت د تخنیکي و مسلکي زده کړو مرکزونو له مسوولینو سره ناسته ترسره کړه
د تخنیکي او مسلکي چارو مرستیال مولوي غلام سعید احساس په مشرۍ د تخنیکي او مسلکي زده کړو ادارې څخه یوه پلاوي هلمند ولایت ته د سفر په ترڅ کې د یاد ولایت د تخنیکي او مسلکي زده کړو د مرکزونو له مسوولینو او کارکوونکو سره ناسته ترسره کړه.
په دې ناسته کې د تخنیکي او مسلکي زده کړو مرکزونو پر ستونزو او د اړتیاوو د حل پر څرنګوالي خبرې وشوې.
په دې کتنه کې مولوي احساس وویل، مسؤولیت امانت دی او دغه امانت باید په سمه توګه ترسره او په صداقت سره وساتل شي نوموړي همدارنګه د مجاهدینو په زده کړییز بهیر کې د شفافیت پر پلي کیدو ټینګار وکړ او له مسؤولینو څخه یېوغوښتل ترڅو په خپلو مسولیتونو پابندي خپل کړي.
ښاغلي مولوي احساس دغه راز د تخنیکي او مسلکي زده کړو مرکزونو د مسؤلینو د وړاندیزونو او ستونزو د حل د ژمنې ترڅنګ د ځینو مسایلو په اړه هغوی ته لازمې هدایات هم ورکړل.
همدارنګه یاد پلاوي دغونډې ګډونوالو ته د چارو د ښه والي او آسانتیا په موخه نوموړو ته سیمینار هم وړاندې کړ.
په ورته وخت کې محترم مولوي غلام سعید احساس د هلمند ولایت د تخنیکي او مسلکي زده کړو مرکزونو یو شمیر مسوولین چې د نخنیکي او مسلکي چارو په برخه کې یې ارزښتناک فعالیتونه ترسره کړي و، د ستاینلیکونو او نقدي ډالیو په ورکولو سره وستایل.
