په لغمان کې د اسلامي امارت د مجاهدینو لپاره د ظرفیت لوړونې پروګرام ترسره کول
د لغمان ولایت د تخنیکي او مسلکي زده کړو آمریت د اسلامي امارت د هغو مجاهدینو لپاره چې په دې وروستیو کې په ملکي او نظامي ادارو کې په دندو ګمارل شوي وو، د ظرفیت لوړونې پروګرام جوړ کړ.
د یاد ولایت تخنيکي او مسلکي زده کړو آمر محمد اکرام الکوزی وايي، چې په دغه روزنيز کورس کې (80) تنو ګډون کړی او دوی به د يوې مياشتې په موده کې د ادارې، مديريت او کمپيوټر مهارتونه زده کړي.
ښاغلی الکوزی زیاتوي چې د دولتي مامورینو د ظرفیت لوړولو پروګرامونه به دوام وکړي.
تخنیکي او مسلکي زده کړو ادارې د هیواد په ډیرو ولایتونو کې د اسلامي امارت مجاهدینو او نویو ګمارل شویو کارکوونکو لپاره روزنیز او د ظرفیت لوړونې کورسونه جوړ کړي دي.
