په دلارام ولسوالۍ کې د مجاهدینو لپاره د ادارې او مدیریت روزنیز پروګرام پیل شو
د نیمروز ولایت په دلارام ولسوالۍ کې د مجاهدینو لپاره د ادارې او مدیریت روزنیز پروګرام د یاد ولایت د یو شمیر سیمه ییزو چارواکو په شتون سره پیل شو.
په دې پروګرام کې د یادې ولسوالۍ ۸۰ تنه مجاهدین د تثبیت سویې ازموینې د بشپړیدو وروسته په ۱۳ دیارلسم ټولګي کې شامل شوي دي.
دغه راز په دې مراسمو کې ویناوالو ټینګار وکړ چې د دیني علومو ترڅنګ د عصري علومو زده کړه د ټولنې له مهمو اړتیاوو څخه ګڼل کېږي.
دا پروګرام د نیمروز ولایت په دلارام ولسوالۍ کې په داسې حال کې ترسره شو چې دمګړۍ د هیواد د یوشمېر ولایتونو په تخنیکي او مسلکي زده کړو مرکزونو کې د مجاهدینو روزنیز پروګرام روان دی او مجاهدین پکې زده کړې ترلاسه کوي.
