په « داخلي محصولاتو تولیدي ـ صنعتي نندارتون » کې د لوگر ولایت تخنیکي او مسلکي زده کړو مرکزونو لاسته راوړنې نندارې ته وړاندې شوې
په لوګر ولایت کې د تخنیکي او مسلکي زده کړو ادارې مسؤلینو په یاد ولایت کې د « د داخلي محصولاتو تولیدي ـ صنعتي نندارتون » تر عنوان لاندې نندارتون کې ګډون وکړ.
په دې نندارتون کې د لوګر ولایت د تخنیکي او مسلکي زده کړو مرکزونو زدهکړیالانو او زده کونکو خپل کرنیز محصولات او په خپل لاس جوړ شوي صنعتي توکي په جلا غرفو کې نندارې ته وړاندې کړل.
دغه نندارتون به درې ورځې دوام کوي، چې په یاد نندارتون کې د تخنیکي او مسلکي زده کړو مرکزونو په ګډون بیلابیل سکتورونه خپل محصولات نندارې ته وړاندې کړي.
د یادونې وړ ده چې په دې نندارتون کې د تخنیکي او مسلکي زده کړو آمریت اړوند نندارې ته وړاندې شوي کرنیز محصولات او یو شمیر نور تخنیکي مواردو څخه د ګډونوالو لخوا تود هرکلی وشو.
