د کاپيسا ولایت د معاون انجینری انسټيټوټ محصلینو د ګلبهار له سب اسټېشن څخه ليدنه وکړه
د کاپيسا ولایت اړوند معاون انجینري انسټيټوټ د بريښنا څانګې محصلینو د علمي سفر په ترڅ کې د ګلبهار برښنا سب اسټېشن څخه ليدنه وکړه.
له سب سټېشن څخه د لیدنې پر مهال نوموړو د سب سټېشن د بېلابېلو برخو، ترانسفارمرونو او د برېښنا ولټاژ په اړه هم په عملي بڼه زده کړې ترلاسه کړې.
لارښود استاد د سب سټېشن څخه د لیدنې پر مهال محصلینو ته د برېښنا په اړه هر اړخیز توضیحات ورکړل او د هغوی پوښتنو ته یې ځوابونه وویل.
د تخنیکي او مسلکي زده کړو په مرکزونو کې د زده کړو لویه برخه عملي ده ، له همدې امله د تخنیکي او مسلکي زده کړو مرکزونو فارغان په مستقیم ډول د کار بازار ته جذبیږي.
