د کابل اتومیخانیکي اکاډمۍ زده کوونکو ته د ټرانسفارمر په اړه روزنه ورکړل شوه
د کابل ولایت د اتومیخانیکي اکاډمۍ د برښنا انجینرۍ څانګې د دولسم ټولګي زدهکوونکو د یاد ولایت د بریښنا ریاست د ټرانسفارمرسازي مدیریت ته د یو علمی سفر په ترڅ کې د ټرانسفارمرونو د ډولونو په اړه په عملي ډول روزنه ولیده.
لارښود استاد او د بریښنا ریاست د ټرانسفارمرسازۍ مدیریت مسولینو د زده کوونکو پوښتنو ته ځوابونه وړاندې کړل.
د تخنيکي او مسلکي زده کړو په مرکزونو کې زياتره زده کړې عملي وي، له همدې امله د تخنيکي او مسلکي زده کړو د مرکزونو فارغين په مستقيم ډول د کار بازار ته جذبيږي.
