د چپرهار د کرنې انستیتوټ د باغدارۍ څانګې د زده کړیالانو د عملي زده کړو بهیر
د ننګرهار ولایت د چپرهار انستیتیوټ په څیړنیز فارم کې د عمومي کرنې د بڼوالۍ څانګې زده کړیالانو ته د نباتاتو اړوند موضوعاتو په اړه روزنه ورکړل شوه.
لارښود استاد زده کړیالانو ته د خاورې نمونې، د نباتاتو د ریښو ډولونه او د مالګې خاورې د اصلاح کولو څرنګوالی تشریح کړ.
نوموړي همدارنګه د نباتاتو د روزلو د څرنګوالي په اړه د زده کړیالانو پوښتنو ته ځوابونه ورکړل.
د تخنيکي او مسلکي زده کړو په مرکزونو کې زياتره زده کړې په عملي ډول ترسره کېږي، له همدې کبله د دې مرکزونو فارغان په مستقيم ډول د کار په بازار کې جذب کېږي.
