د پلان او ستراتیژیکې همغږۍ ریاست مسؤلینو د روپاني مؤسسې سره ناسته ترسره شوه
د تخنیکي او مسلکي زده کړو ادارې د پلان او ستراتیژیکې همغږۍ ریاست مسؤلینو د روپاني مؤسسې له مسوولینو سره وکتل او خبرې اترې یې ورسره وکړې.
په دغې کتنه کې دواړو لورو د تخنیکي او مسلکي زده کړو له ادارې سره د روپاني بنسټ د هوکړه لیک د تطبیقې پلان په اړه خبرې وکړې.
د غونډې ګډونوالو خپل نظرونه شریک کړل او د یاد هوکړه لیک د تطبیق په موخه لازم تصمیمونه ونیول شول.
تر دې مخکې روپاني بنسټ د تخنیکي او مسلکي زده کړو له ادارې سره د حرفوي کورسونو په برخه کې د همکارۍ هوکړه ليک لاسليک کړى دى.
