د پروان ولایت اړوند سیدخیل کثیرالرشتوي انسټیټوټ د زده کونکو لخوا د " رُب " چمتو او پروسس کیدل
د پروان ولایت سیدخیل کثیرالرشتوي انسټیټوټ د دولسم ټولګي زده کونکو ته د تخنیکي او مسلکي زده کړو مرکزونو د عملي زده کړو په قالب او د یوې درسي جلسې په ترڅ کې د رُب چمتو کولو په اړه په عملي بڼه روزنه ورکړل شوه.
لارښود استاد په دې درسې جلسه کې نوموړو ته د رُب چمتو کولو څرنګوالي او د هغه د پروسس لپاره د اړینو موادو په اړه هراړخیز توضیحات ورکړل.
دغه راز په دوام کې لارښود استاد زده کونکو ته د رُب د خوراکي، اقتصادي ارزښت او ګټو په اړه هم معلومات ورکړل. نوموړي وویل چې رُب د خوراکي توکو یوه مهمه سرچینه ده چې د سرطان خطر کموي.
عملي زده کړې د تخنیکي او مسلکي زده کړو په مرکزونو کې د روزنې لویه برخه جوړوي.
له همدې امله، د تخنیکي او مسلکي زده کړو ادارې رهبرۍ، د کار بازار اړتیاوو او د مهارتونو اهمیت ته په ژور فکر سره، تل هڅه کوي چې د نظري زدهکړو ترڅنګ د زده کونکو لپاره د عملي زدهکړو غوره فرصتونه هم چمتو کړي.
