د جنوبختیځ زون د تخنیکي زدهکړو ریاست او د غزني ولایت د صنعت او تجارت ریاست ناسته
د تخنیکي او مسلکي زدهکړو ادارې د جنوبختیځ زون په ریاست کې مسؤلینو د غزني ولایت د صنعت او تجارت له رئیس سره په یوه ناسته کې لیدنه او خبرې اترې وکړې.
په دې ناسته کې دواړو لورو د دواړو نهادونو ترمنځ د همکاریو د پیاوړتیا پر څرنګوالي بحث او نظرونو شریک کړل.
د جنوبختیځ زون د تخنیکي او مسلکي زدهکړو رئیس، استاد احمدخان صابري، د غزني ولایت د صنعت او تجارت له رئیس سره په خبرو کې وویل، چې د تخنیکي او مسلکي زدهکړو مرکزونه د خصوصي سکتور له اړتیاوو سره سم مسلکي کسان روزي.
نوموړي د تخنیکي او مسلکي زدهکړو مرکزونو د فارغانو جذب په برخه کې د غزني ولایت د صنعت او تجارت ریاست څخه د همکارۍ غوښتنه وکړه.
د غزني ولایت د صنعت او تجارت رئیس، مولوي حضرت موسی ابومنصور، د هېواد د خصوصي سکتور د پیاوړتیا او پرمختګ په برخه کې د تخنیکي او مسلکي زدهکړو رول مهم وباله.
نوموړي همداراز د جنوبختیځ زون له ریاست سره د همکاریو د لا پیاوړتیا ژمنه وکړه.
د غزني ولایت د صنعت او تجارت رئیس هیله وښوده، چې په غزني ولایت کې د صنعتي پارکونو په پرانیستلو سره به د ماهرو او مسلکي کسانو لپاره د کارموندنې لا ډېر فرصتونه برابر شي.
