د میدان وردګو ولایت چک کثیرالرشتوي انسټیټوټ د زده کونکو له لوري د سړک سروې او براورد!
د میدان وردګو ولایت چک ولسوالۍ اړوند کثیرالرشتوي انسټیټوټ د ساختماني څانګې زده کونکو د یو علمي سفر په پار د یاد ولایت اړوند د حضرت عمر فاروق (رض) لیسې ته لاړل.
نوموړو د دې علمي سفر په ترڅ کې، د لارښود استاد تر څارنې او نظر لاندې د یاد ښوونیز مرکز دننه د سړک او پیاده رونو سروې او براورد تر سره کړ او په دې برخه کې یې له یو بل سره خپل نظریات شریک کړل.
دغه راز لارښود استاد په دې درسي جلسه کې زده کونکو سره مرسته او هر اړخیزې لارښوونې یې هم وکړې ترڅو د یادې لیسې د پیاده رو او سړک جوړولو سروې په دقت او چټکۍ سره ترسره شي.
عملي زده کړې د تخنیکي او مسلکي زده کړو مرکزونو د روزنیزو پروګرامونو اساسی برخه جوړوي.
له همدې امله، د تخنیکي او مسلکي زده کړو ادارې رهبري، له کار بازار د اړتیاوو او د مهارتونو د ترلاسه کولو اهمیت ته په ژور درک سره، تل هڅه کوي چې د نظري زده کړو سربیره د زده کونکو لپاره د عملي زده کړو زمینه هم مساعده کړي.
